Անատոլ Ֆրանսի անվան ֆրանսիական կրթահամալիր
Անատոլ Ֆրանսի անվան ֆրանսիական դպրոցը գործում է 2007 թվականից (մանկապարտեզը հիմնադրվել է 1999թ․-ին) և միակ հաստատությունն է, որն ունի Ֆրանսիայի Ազգային կրթության նախարարության լիցենզավորում և ճանաչված է Ֆրանսիայի և Հայաստանի միջև կնքված միջպետական համաձայնագրով։
ֆրանսիական կրթական ծրագիրը․
Կրթություն, որը երաշխավորում է միջազգայնորեն ճանաչված դիպլոմներ ստանալու համար անհրաժեշտ գիտելիքների և հմտությունների ձեռքբերումը։
- Մանկապարտեզ՝ 2-ից 5 տարեկան,
- Տարրական դպրոց՝ 6-ից 10 տարեկան,
- Միջին դպրոց՝ 11-ից 14 տարեկան,
- Դպրոցի ավարտական դիպլոմ՝ “Բրեվե”,
- Ավագ դպրոց՝ 15-ից 18 տարեկան, ավարտական “Բակալորեա” դիպլոմ։
Դպրոցի ավարտից հետո ուսումը Հայաստանի Ֆրանսիական Համալսարանում, Ֆրանսիայում, կամ ցանկացած այլ երկրում շարունակելու հնարավորություն։
Արժեքները․
Ուսուցում, որը միավորում է ֆրանսիացի, հայ ու այլազգի երեխաներին և Ֆրանսիացի ու հայ ուսուցիչներ, ովքեր ապահովում են համամարդկային արժեքների ձևավորումը։
- Տղաների և աղջիկների միջև հավասարություն,
- Հանդուրժողականություն,
- Բաց աշխարհընկալում,
- Ինտելեկտուալ մրցակցություն և իրագործում,
- Մշակույթների երկխոսություն։
Արտասահմանում ֆրանսիական դասավանդման գործակալություն` ԱՖԴԳ
Արտասահմանում ֆրանսիական դպրոցների ցանցի առավելությունները՝ 139 երկրներում գտնվող շուրջ 580 կրթահամալիր (566 2022թ.-ին), աշխարհում գործող եզակի ծրագիր, որն ապահովում է
- դպրոցների և ուսուցիչների համար խորհրդատվություն, աջակցություն, արդյունքների գնահատում և վերահսկում Ֆրանսիայի կրթության նախարարության տեսուչների կողմից,
- շարունակական վերապատրաստումներ ուսուցիչների և անձնակազմի համար,
- կրթաթոշակներ Ֆրանսիացի աշակերտների համար։
- գերազանցության կրթաթոշակներ բարձր առաջադիմություն ունեցող աշակերտների համար, ովքեր շարունակում են բարձրագույն կրթությունը Ֆրանսիայում
Կենտրոնական և Արևելյան Եվրոպայի տարածաշրջան` ZECO
ԱՖԴԳ-ի /Արտասահմանում ֆրանսիական դասավանդման գործակալության/ Կենտրոնական և Արևելյան Եվրոպայի տարածաշրջանում (ZECO) ներառված են
-14 երկրներ (որից 8-ը ԵՄ անդամ են)
-34 ուսումնական հաստատություն
— ավելի քան 16000 աշակերտ
— 15 ազգային լեզու
— պատմամշակութային հզոր կորիզ
Կենտրոնական և Արևելյան Եվրոպայի տարածաշրջանը բնութագրվում է իր բազմազանությամբ, լեզվական, մշակութային ժառանգության հարստությամբ:
Այս հատկանիշները բնորոշ են հաստատություններին, դպրոցական համայնքներին և անձնակազմին:
Կենտրոնական և Արևելյան Եվրոպայի տարածաշրջանը միավորում է 34 հաստատություն 14 երկրներում (Գերմանիա — Հայաստան — Ավստրիա — Ադրբեջան — Վրաստան — Հունգարիա — Լատվիա — Լիտվա — Լեհաստան — Չեխիա — Ռուսաստան — Սլովակիա — Շվեյցարիա — Ուկրաինա) և առաջարկում է ֆրանսիական ազգային կրթական ծրագրերին համապատասխան ուսուցում: Այս գոտու տարածաշրջանային վերապատրաստման ինստիտուտը գտնվում է Մյունխենի Ժան Ռենուարի անվան ֆրանսիական դպրոցում:
Այցելել Կենտրոնական և Արևելյան Եվրոպայի տարածաշրջանի (ZECO) կայք